Wales by Bike

Dŵr: gwiriwch fod y gronfa ddŵr ar y lefel gywir ac nad oes dim yn gollwng 

Pethau trydan: ydy'r holl oleuadau'n gweithio'n iawn? Edrychwch ar y lampau mawr, goleuadau'r breciau a'r cyfeirwyr. Gwiriwch fod y corn yn gweithio a bod goleuadau rhybudd yr offer yn cynnau ac yn diffodd. 

Rwber: gwiriwch bwysau eich teiars a dyfnder y gwadn. Chwiliwch am dreulio, toriadau a cherrig neu bethau niweidiol eraill wedi glynu yn y gwadn. 

Os nad ydych chi'n defnyddio'ch beic bob dydd, neu os ydych yn ailgydio ar ôl y gaeaf, dylech archwilio'r beic yn ofalus iawn - cliciwch yma ar gyfer y ddolen i'r gofynion sylfaenol ar gyfer rhestr wirio MOT beic modur. Dewch yn gyfarwydd â'r ffordd y mae'r beic yn gweithio cyn cychwyn. 

Llwytho eich beic 

Yn mynd i'r siop neu ar eich gwyliau? Gwiriwch lawlyfr eich beic os ydych yn bwriadu cario llwyth a pheidiwch â gorlwytho. Dylech ddosbarthu'r llwyth yn gyfartal a sicrhau nad yw'n ymyrryd â'ch gallu i reoli'r beic. Dylid clymu bagiau tanc a chewyll yn ddiogel fel nad ydynt yn symud.