Wales by Bike

Mae byw neu reidio yng Nghymru yn golygu na fedrwch mewn gwirionedd osgoi bod allan ar eich beic yn y glaw ryw bryd, beth bynnag fo'r tymor. Bydd yn rhaid i chi a'ch beic berfformio mewn ffordd wahanol yn y glaw, ond drwy addasu eich reidio yn ôl yr amodau a deall cyfyngiadau a pheryglon tywydd gwlyb, gall fod yn brofiad pleserus - ac nid yn rhywbeth i'w ofni. 

• Arafwch - gyrrwch yn arafach er mwyn i chi gael mwy o amser i ymateb a brecio 
• Gadewch fwy o le rhyngoch a'r cerbyd o'ch blaen - o leiaf dwywaith y pellter pan fyddwch yn reidio yn y glaw 
• Rhagweld - edrychwch o'ch blaen am newidiadau i wyneb y ffordd ac addaswch y ffordd rydych chi'n reidio yn ôl y galw. Gall rhai arwynebau megis llygaid cathod, llinellau gwyn/marciau ffordd a chloriau draeniau fod yn llithrig iawn yn y glaw felly ceisiwch eu hosgoi os yw'n bosib. 
• Gwyliwch rhag gollyngiadau diesel (sy'n aml yn ymddangos fel patrwm enfys mewn mannau gwlyb) 
• Ceisiwch osgoi newidiadau sydyn yn eich gyrru neu adael manwfro tan y funud olaf 
• Rheolwch eich beic yn llyfn - dylech fod yn araf ar y brêc, y cydiwr a'r throtl a chofiwch hefyd sut mae gafael y teiars yn newid yn y glaw 
• Dylech wisgo dillad gwrth-ddŵr da (gan gynnwys esgidiau mawr) neu fe fyddwch yn teimlo'r oerni pan fyddwch yn wlyb 
• Os ydych wedi cadw'ch fisor yn lân a heb lwch, bydd y gwynt yn symud y glaw oddi arno'n naturiol. Mae cynnyrch ar gael i'ch helpu i gael gwared ar y glaw, ond y gorau yw sebon, dŵr a fisor glân 
• Mae gwelededd yn wael mewn tywydd gwael felly gwnewch yn siŵr eich bod yn weladwy i ddefnyddwyr eraill y ffyrdd - reidiwch gyda'ch goleuadau ymlaen a chofiwch wisgo dillad gweledol iawn